इलाम २ को उपनिर्वाचनमा उम्मेदवारी दिने रास्वपाको निर्णय, प्रदेशसभाको उपनिर्वाचनमा भने भाग नलिने
काठमाडौँ । सत्ता साझेदार राष्ट्रिय स्वतन्त्र पार्टी (रास्वपा) ले इलाम २ को उपनिर्वाचनमा उम्मेदवारी दिने निर्णय गरेको छ । १५ बैशाखमा बझाङ (१)मा हुने उपनिर्वाचनमा भने भाग नलिने भएको छ ।
पार्टी कार्यालय बनस्थलीमा बसेको केन्द्रीय समिति बैठकले आगामी वैशाख १५ मा हुने इलाम–२ को उपनिर्वाचन उम्मेदवारी दिने निर्णय गरेको उपसभापति डीपी अर्यालले बताए ।
निर्वाचन तयारीका लागि रास्वपाले सहमहामन्त्री कविन्द्र बुर्लाकोटीलाई इलाम–२ मा खटाएको छ ।
एमालेबाट इलाम–२ बाट प्रतिनिधिसभा सदस्यमा निर्वाचित सुवासचन्द्र नेम्वाङको भदौ २५ गते निधन भएको थियो ।
२०८० फागुन २८ गते सोमवार २०:०० बजे प्रकाशित
