काठमाडौं  । चिकित्सा शिक्षा आयोगले विगो तथा जरिवाना रकम दाखिला गर्न आग्रह गरेको छ । आयोगले सूचना निकाल्दै निःशुल्क छात्रवृत्ति सिटमा अध्ययनका लागि भर्ना भएर बिचैमा अध्ययन छाडेका ६६ जना विद्यार्थीलाई यस्तो आग्रह गरेको हो ।

सम्बन्धित विद्यार्थीले आयोगमा सम्पर्क गरी सरकारको राजस्व कोषमा उक्त बिगो तथा जरिवाना रकम दाखिल गराउन आयोगले अनुरोध गरेको छ ।

“आयोगद्वारा सञ्चालित  एकीकृत ‘क’ प्रवेश परीक्षाको प्रक्रियाबाट  निःशुल्क छात्रवृत्ति सिटमा अध्यानका लागि भर्ना भएर बिचैमा अध्ययन छाडेका कुल ६६ जना विद्यार्थीको छात्रवृत्तिसम्बन्धी ऐन, २०२१ बमोजिम  बिगो तथा जरिवाना रकम निर्धारण गरिएको हुँदा सम्बन्धित विद्यार्थीले आयोगमा सम्पर्क गरी सरकारको राजस्व कोषमा उक्त बिगो तथा जरिवाना रक दाखिल गर्नुहुन सम्बन्धित सबैलाई जानकारी गराइन्छ ।” आयोगद्वारा जारी सूचनामा उल्लेख छ ।

उल्लिखित बिगो तथा जरिवाना रकम दाखिला गरेका विद्यार्थीलाई मात्र आयोगबाट गरिने म्याचिङ् प्रक्रियामा सहभागी गराउने आयोगले जनाएको छ ।

२०८१ फागुन २३ गते शुक्रवार १७:२५ बजे प्रकाशित