झलनाथले नैतिकताको आधारमा पार्टीबाट बिदा लिदा हुन्छ: माधव नेपाल
विराटनगर । नेकपा एकीकृत समाजवादीका अध्यक्ष माधवकुमार नेपालले पार्टीका सम्मानित नेता झलनाथ खनाललाई नैतिकताको आधारमा पार्टीबाट बिदा हुन सुझाव दिएका छन् ।
शुक्रबार विराटनगरमा पत्रकारहरुसँगको कुराकानीमा नेपालले खनालले पार्टी नीति विपरीत बोलेकाले बिदा हुनु ठीक हुने बाएका हुन्।उहाँले एमाले टुक्रयाउनु गलत भएको भन्नुभएछ । नैतिकता आधारमा पार्टीबाट बिदा लिन सुझाव दिन्छु,’ अध्यक्ष नेपालले भने । खनालले पटक(पटक पार्टीको संस्थागत निर्णय नमान्ने गरेको भन्दै नेपालले उनको भनाइको अर्थ नरहेको समेत बताए ।
अर्को प्रसंगमा नेपालले शेरबहादुर देउवा र केपी शर्मा ओली एकठाँउमा रहेसम्म वैकल्पिक सरकार बन्ने सम्भावना नरहेको बताए ।
२०८२ साउन १६ गते शुक्रवार १७:२० बजे प्रकाशित
