सरकारले संसद्का पदाधिकारी र सदस्यको स्वकीय सचिवालयमा रहेको दरबन्दी घटायो
काठमाडौँ । सरकारले संघीय संसद्का पदाधिकारी र सांसदहरूको स्वकीय सचिवालयमा रहेको दरबन्दी घटाउने निर्णय गरेको छ।
बुधबार प्रधानमन्त्री तथा मन्त्रिपरिषद् कार्यालयमा बसेको मन्त्रिपरिषद् बैठकले ‘संघीय संसद्का पदाधिकारी तथा सदस्यहरूको पारिश्रमिक र सुविधासम्बन्धी ऐन, २०७३’ को अनुसूची–२ मा हेरफेर गर्ने निर्णय गरेको सरकारका प्रवक्ता तथा सञ्चारमन्त्री जगदीश खरेलले जानकारी दिए।
मन्त्री खरेलले बैठकका निर्णय सार्वजनिक गर्दै भने, “संघीय संसद्का पदाधिकारी तथा सदस्यहरूको पारिश्रमिक र सुविधासम्बन्धी ऐनको अनुसूची २ मा संशोधन गरी स्वकीय सचिवालयको दरबन्दी घटाउने निर्णय भएको छ।”
२०८२ कात्तिक १२ गते बुधवार १७:२० बजे प्रकाशित
