संसद्मा फेरि प्रतिपक्षको अवरोध, भोलिसम्मका लागि स्थगित
काठमाडौं । प्रतिनिधि सभाको आजको बैठक पनि अवरुद्ध भएको छ । प्रतिपक्षी दलहरुको अवरोध जारी भएपछि सभामुख देवराज घिमिरेले बैठक भोलि विहीबारसम्मका लागि स्थगित भएको जानकारी गराएका छन् ।
सभामुख घिमिरेले आजको बैठक सुरु भएको जानकारी गराएलगत्तै प्रतिपक्षी दलहरु आआफ्नो स्थानबाट उठेर संसद अवरुद्ध गरेका थिए । तर सत्तापक्षका सांसदहरुले संसद अवरोध गरेर बोल्न रोकेको भन्दै बैठक सन्चालनको माग गरे ।
सभामुख घिमिरेले दलीय रूपमा बोल्न दिने तर, त्यसका लागि कार्यसूचीमा प्रवेश गर्न बसेर सहयोग गर्न बारबार आग्रह गरे तर, प्रतिपक्ष दलका सांसदहरू उल्टै नाराबाजीमा उत्रिए।
प्रमुख प्रतिपक्ष दल माओवादी केन्द्रसहित रास्वपा, राप्रपा, एकीकृत समाजवादीले संसद् अवरुद्ध गर्दै आएका छन्।
२०८२ जेठ २८ गते बुधवार १७:०२ बजे प्रकाशित
