काठमाडौं । प्रधानमन्त्री केपी शर्मा ओलीले प्रतिपक्षी दलहरूले संसदलाई झुठा कथा सिर्जना गरी सोसल मिडियाका लागि कन्टेन्ट उत्पादन गर्ने थलो बनाएको आरोप लगाएका छन्।

बुधबार प्रतिनिधिसभामा बोल्दै उनले सरकारलाई रचनात्मक प्रश्न सोध्नुको सट्टा अर्थहीन विषयमा विषयान्तर गर्न खोजिएको बताएका हुन्।

‘देश र जनताको हितमा केन्द्रित हुनुपर्ने यस सम्मानित सदनलाई झुठा कथा सिर्जना गरेर ‘कन्फ्युजन’ पैदा गर्ने र सोसल मिडियाका लागि कन्टेन्ट उत्पादन गर्ने थलो बनाउने दुष्प्रयास भइरहेको छ,’ प्रधानमन्त्री ओलीले भने, ‘यो देशको समृद्धिका लागि होइन, युवाहरूलाई गाली, निन्दा र भत्र्सनामा भुलाएर समाजलाई उत्तेजनामा ल्याउने नियत हो।’

आफ्नो सम्बोधनमा प्रधानमन्त्री ओलीले सरकारले एक वर्षमा गरेका कामहरू प्रस्तुत गरे।

२०८२ साउन २८ गते बुधवार १७:१३ बजे प्रकाशित