सुन्धारा कारागारबाट टोपबहादुर रायमाझी सहित ३३ सय कैदी फरार
काठमाडौं । राजधानीको सुन्धारास्थित केन्द्रीय कारागारबाट करिब ३३ सय कैदीबन्दी फरार भएका छन् ।
भद्र बन्दीगृहमै रहेका नक्कली भुटानी शरणार्थी प्रकरणमा पुर्पक्षका लागि कारागारमा टोपबहादुर रायमाझी पनि भागेको स्रोतले बतायो । अहिले भद्रबन्दी गृहमा एक सय जना रहेको स्रोतले बतायो ।
कारागारमा रहेका ३८ सय कैदीबन्दी अहिले करिब ५ सयको हाराहारीमा मात्रै रहेका छन् ।
त्यसैगरी महिला बन्दी गृहमा एक सय र सेन्ट्रेल कारागारमा भने करिब ३ सयको हाराहारीमा कैदी रहेका छन् ।
त्यस्तै भागेका मध्ये करिब ५० जना कैदीबन्दी कारागार फर्केको स्रोतले बतायो । अझै केही कैदीबन्दी फर्कने क्रममा रहेको बताइएको छ ।
२०८२ भदौ २५ गते बुधवार १७:२२ बजे प्रकाशित
