ओलीको पालामा नियुक्त भएका राजदूतहरूलाई फिर्ता बोलाउदै सरकार
काठमाडौं । केपी शर्मा ओलीको पालामा नियुक्त भएका राजदूतहरूलाई सरकारले फिर्ता बोलाउने भएको छ ।
जारी मन्त्रिपरिषद्को बैठकमा यस सम्बन्धी निर्णय गर्ने तयारी छ ।
भारतका लागि डा। शंकरप्रसाद शर्मा, चीनका लागि कृष्णप्रसाद ओली, अमेरिकाका लागि लोकदर्शन रेग्मी, बेलायतका लागि चन्द्रकुमार घिमिरे, इजरायलका लागि धनप्रसाद पण्डित, जर्मनीका लागि शाहिल रुपाखेती, स्पेनका लागि शनिल नेपाल, रूसका लागि जंगब चौहान लगायतका राजदुतलाई सरकारले फिर्ता बोलाउने तयारी गरेको हो ।
यसैगरी मलेसियाका लागि नेत्रप्रसाद तिम्सिना, कतारका लागि रमेशचन्द्र पौडेल, साउदी अरेबियाका लागि डा। नरेशविक्रम ढकाल लगायत पनि सरकारले फिर्ता बोलाउन लागिएका राजदूहरुको सूचीमा रहेको स्रोतले बतायो ।
२०८२ असोज ३० गते बिहीवार १७:२४ बजे प्रकाशित
