काठमाडौं । रुकुम पूर्व केन्द्रबिन्दु भएर आइतबार साँझ ५.० म्याग्निच्युडको भूकम्प गएको छ।

राष्ट्रिय भूकम्प मापन तथा अनुसन्धान केन्द्रका अनुसार आइतबार साँझ ४ बजेर ३० मिनेटमा रुकुम पूर्वको कोल क्षेत्र केन्द्रबिन्दु भएर स्थानीय मापन (एमएल) अनुसार ५.० म्याग्निच्युडको भूकम्प गएको हो।

भूकम्पको धक्का रुकुम पूर्वसहित रोल्पा, दाङ, अर्घाखाँची लगायत आसपासका जिल्लामा समेत महसुस गरिएको छ। स्थानीयले केही सेकेन्डसम्म कडा धक्का महसुस भएको बताएका छन्।

भूकम्पबाट भएको मानवीय वा भौतिक क्षतिको विवरण भने तत्काल प्राप्त भएको छैन। सम्बन्धित निकायले सम्भावित क्षतिको विवरण संकलन गरिरहेको जनाएको छ।

२०८३ साउन ३ गते आइतवार १७:१६ बजे प्रकाशित