काठमाण्डौ । साउदी अरबमा सुरक्षा खतरा बढ्दै गएपछि नेपाली राजदूतावासले त्यहाँ रहेका नेपालीलाई उच्च सतर्कता अपनाउन र अनावश्यक रूपमा बाहिर ननिस्कन आग्रह गरेको छ ।

रियादस्थित दूतावासले सुरक्षा निकायका निर्देशन पालना गर्न तथा सामाजिक सञ्जालमा भ्रामक सूचना, तस्वीर र भिडियो पोस्ट वा शेयर नगर्न अनुरोध गरेको छ ।

हवाई यात्रा गर्ने नेपालीलाई उडान तालिका यकिन गरेर मात्र यात्रा गर्न पनि दूतावासले आग्रह गरेको छ । कुनै समस्या परे रियादस्थित दूतावास वा जेद्दास्थित नेपाली महावाणिज्य दूतावासमा सम्पर्क गर्न भनिएको छ ।

साउदी अरबमा करिब चार लाख नेपाली श्रमिक कार्यरत रहेको अनुमान छ ।

२०८३ कात्तिक १० गते मंगलवार १५:१९ बजे प्रकाशित