उपत्यकामा आजदेखि मासुमा स्वस्थताको छाप लगाउन सुरु
काठमाडौँ – सरकारले पशु बधशाला तथा मासु जाँच ऐन कार्यान्वयनमा ल्याएको छ । मंसिर १ गतेदेखि काठमाडौँ उपत्यकाका तीन जिल्लामा मासु परीक्षण गरी स्वस्थ मासुमा छाप लगाउन सुरु गरिएको हो ।
कृषि, वन तथा पर्यावरणमन्त्री गीता चौधरीले ऐन कार्यान्वयनको सुरुवात गर्नुभएको हो । पहिलो चरणमा कुखुरा, राँगा र खसीको मासु परीक्षण गरी छाप लगाइनेछ ।
ऐन कार्यान्वयनसँगै स्थानीय तहले नियमित अनुगमन तथा निरीक्षण गर्नेछन् । यसबाट मासुको गुणस्तर कायम हुनुका साथै उपभोक्ताको स्वास्थ्य सुरक्षा हुने अपेक्षा गरिएको छ ।
२०८३ मंसिर १ गते मंगलवार १५:५१ बजे प्रकाशित























