रुसी सेनामा भर्ती भएका एक नेपाली युवकको मृत्यु
काठमाडौं । रुसी सेनामा भर्ती भएका एक नेपाली युवकको मृत्यु भएको छ ।
रुस–युक्रेन युद्धमा लमजुङको दूधपोखरी गाउँपालिका–१ घामर चोकमा घर भएका ३२ वर्षीय साजन गुरुङको मृत्यु भएको खबर प्राप्त भएको वडाध्यक्ष दुर्गामान गुरुङले जानकारी दिए ।
रोजगारीका लागि रुसी सेनामा पुगेका गुरुङको मृत्यु भएको खबर पाँच दिन अघिमात्र परिवारलाई प्राप्त भएको हो ।
उनका अनुसार मृतक गुरुङसँगै रुसी सेनामा पुगेका साथीहरुले जर्मनीमा रहेका उनका भाइ कुमार गुरुङलाई उक्त खबर पठाएका थिए । भाइ कुमारले दाइको मृत्युको खबर घर पठाएपछि परिवारले पुस २९ गते क्रियाकर्म समेत गरिसकेको उनले बताए ।
२०८० माघ २ गते मंगलवार १७:५६ बजे प्रकाशित
