काठमाडौं । नवनियुक्त स्वास्थ्य तथा जनसंख्या मन्त्री डा. सुधा शर्माले जेन-जी आन्दोलनले उठाएका भ्रष्टाचार र कुशासनविरुद्धका मुद्दालाई सम्बोधन गर्नु आफ्नो पहिलो कर्तव्य हुने बताएकी छन् ।

आइतबार मन्त्रालयमा पदभार ग्रहण गर्दै उनले भ्रष्टाचारमुक्त प्रशासन र प्रभावकारी सुशासनलाई आफ्नो मुख्य प्राथमिकतामा राखेर काम गर्ने प्रतिबद्धता व्यक्त गरेकी छन्। उनले भनिन् ‘मुहान सफा भयो भने मात्र तल सफा हुन्छ,’ उनले भनिन्, ‘अहिले प्रशासनको मुहान सरकार हो, र त्यसको मुनि हामी मन्त्रीहरू छौँ। त्यसैले कुनै पनि तहबाट भ्रष्टाचार भएको सुन्न नपरोस् भन्नेमा म दृढ छु।’

उनलले खरिद प्रक्रियालाई पूर्ण पारदर्शी बनाउने र शून्य भ्रष्टाचारको नीति अवलम्बन गर्ने सुनाइन्।

उनले स्वास्थ्य मन्त्रालयमा ३२ वर्ष सेवा गरेको अनुभव सुनाउँदै जटिल परिस्थितिमा मन्त्रालयको जिम्मेवारी सम्हाल्न आइपुगेको बताइन्।

२०८२ कात्तिक ९ गते आइतवार १७:३० बजे प्रकाशित