काठमाडौं । सरकारले फागुन २१ गते हुने प्रतिनिधिसभा निर्वाचनलाई लक्षित गर्दै तीन दिन सार्वजनिक बिदा दिने निर्णय गरेको छ। मंगलबार बसेको मन्त्रिपरिषद्को बैठकले फागुन २०, २१ र २२ गतेलाई सार्वजनिक बिदा दिने निर्णय गरेको हो।

यसअघि निर्वाचन आयोगले पनि प्रतिनिधिसभा निर्वाचनमा नागरिकको मतदान सहभागिता सुनिश्चित गर्न सार्वजनिक बिदा दिन सरकारलाई सिफारिस गरेको थियो।

सरकारी निर्णयले निर्वाचनमा सहज मतदान प्रक्रिया सुनिश्चित गर्ने र नागरिकलाई मतदानमा सहभागी हुन प्रोत्साहित गर्ने उद्देश्य राखेको छ।

२०८२ फागुन १२ गते मंगलवार १७:०४ बजे प्रकाशित