काठमाडौंको ठमेलबाट अनैतिक क्रियाकलाप संलग्नमा २० जना विदेशी महिलाहरू पक्राउ
काठमाडौं। काठमाडौंको ठमेलबाट २० जना विदेशी महिलाहरू पक्राउ परेका छन्।
जिल्ला प्रहरी परिसर, काठमाडौंका एसपी पवन भट्टराईका अनुसार ती महिलाहरूले ठमेल क्षेत्रमा अनैतिक क्रियाकलाप र अभद्र व्यवहार गर्दै, बाटो हिँड्ने विदेशी तथा स्वदेशी पर्यटक र सर्वसाधारण पुरुषलाई दुस्ख दिइरहेका थिए। पक्राउ पर्ने स्थान काठमाडौं महानगरपालिका–२६, फायरचोकस्थित सडकखण्ड हो।
एसपी भट्टराईले बताए अनुसार, ती महिलाहरूलाई जिल्ला प्रशासन कार्यालय, काठमाडौंबाट १२ दिनको म्याद थप अनुमति लिएर आवश्यक अनुसन्धान भइरहेको छ।
प्रहरीले जनता र पर्यटकहरूको सुरक्षाका लागि यस प्रकारको गतिविधि नियन्त्रणमा राख्न कटिबद्ध रहेको पनि जनाएको छ।
२०८२ चैत ११ गते बुधवार १७:४१ बजे प्रकाशित
