काठमाडौँ। प्रधानमन्त्री दैवी प्रकोप उद्धार कोषमा १२ अर्ब ४३ करोड ३३ लाख रुपैयाँभन्दा बढी मौज्दात रहेको छ।

प्रधानमन्त्री तथा मन्त्रिपरिषद्को कार्यालयका अनुसार बिहीबार बिहानसम्म विभिन्न बैंकमा नेपालीतर्फ ९ अर्ब १४ करोड ३९ लाख रुपैयाँ र डलर खातामा २ करोड १६ लाख अमेरिकी डलरभन्दा बढी जम्मा भएको छ।

भदौ २५ गते मात्रै कोषमा नेपालीतर्फ १७ करोड २५ लाख रुपैयाँभन्दा बढी र अमेरिकी डलरतर्फ २ लाख ७४ हजार डलर थपिएको छ।

यसअघि रसुवाको भोटेकोशी बाढीपीडितका लागि राष्ट्रिय विपद् जोखिम न्यूनीकरण तथा व्यवस्थापन प्राधिकरणमार्फत कोषबाट १ अर्ब रुपैयाँ निकासा गरिएको थियो।

२०८३ भदौ २५ गते बिहीवार १२:१६ बजे प्रकाशित