काठमाडौँ । काठमाडौँको तीनकुनेस्थित गैरीगाउँबाट प्रहरीले दुई वटा ट्रकमा लोड गरिएको अवस्थामा ७०५ सिलिन्डर ग्यास बरामद गरेको छ ।

उपत्यका अपराध अनुसन्धान कार्यालयको टोलीले ग्यास कालोबजारीको आरोपमा बसुन्धारास्थित जय श्री बालाजी ग्यास स्टोरका सञ्चालक दिनेश लुइँटेललाई पक्राउ गरेको हो ।

प्रहरीका अनुसार मोरङको ग्रामथान गाउँपालिका–२ का ३८ वर्षीय लुइँटेलले प्रतिसिलिन्डर दुई हजार ७५० रुपैयाँमा ग्यास बिक्री गर्दै आएका थिए । बरामद सबै सिलिन्डर नेपाल ग्यास कम्पनीका हुन् ।

उपत्यका अपराध अनुसन्धान कार्यालयका एसपी रामेश्वर कार्कीका अनुसार आरोपीले नयाँ सिलिन्डरसमेत पाँच हजार रुपैयाँमा बिक्री गर्ने गरेको पाइएको छ

२०८३ भदौ २६ गते शुक्रवार १५:५१ बजे प्रकाशित