धरान । नेकपा (माओवादी केन्द्र)का वरिष्ठ उपाध्यक्ष तथा पूर्व उपप्रधानमन्त्री तथा गृहमन्त्री नारायणकाजी श्रेष्ठले नेकपा (माओवादी केन्द्र)देशको जिउँदो क्रान्तिकारी राजनीतिक शक्ति रहेको बताए।

बिहीबार धरान उपमहानगरपालिकामा कार्यकता भेटघाट कार्यक्रममा उनले उक्त कुरा बताएको हो। अहिले माओवादी केन्द्र देशको प्रमुख प्रतिपक्ष पार्टी भएकोले भ्रष्टाचार, बेथिति र निरकुंशताका विरुद्धमा अभियान चलाउँदै आएको बताए।

हामीले सबै कुरालाई सुविचार गरेर अगाडि बढाउँछौं अहिले माओवादी केन्द्र सरकारमा नभएका कारण सदन केन्द्रित आन्दोलनलाई अगाडि बढाएको बताए।

देशको आर्थिक, सामाजिक पक्षलाई सबल र समृद्ध नेपाल बनाउन  विकासको मोर्चालाई तीव्र बनाउनको लागि सरकार, संसद र सडक यी ३ वटा संघर्ष मोर्चा प्रमुख हुने बताए।

स्थानीय निकाय, प्रदेश, केन्द्र संसदमा विकास र समृद्धि तथा सुशासनको मुद्दा पनि उठाउने र त्यो नै संघर्षको प्रमुख उदेश्य रहेको उनले बताए। अहिलेको सरकार निरकुंस सरकार रहेको र भ्रष्टाचारीको संरक्षणमा लागेको समेत उनले आरोप लगाएको छन।

पूर्ण समानुपातिक निर्वाचन प्रणाली, प्रत्यक्ष कार्यकारी र शान्ति प्रक्रियाका बाँकी काम पूरा गर्न सरकारलाई कटिबद्ध गराउन समेत लागि परेको  उनले बताए।  नेकपा ९माओवादी केन्द्र० सरकार बनाउने वा गिराउनेभन्दा पनि संगठनलाई बलियो बनाएर आर्थिक–सामाजिक रूपान्तरणको नेतृत्व गर्ने दिशामा लागेको उनले जानकारी दिए।

२०८१ फागुन ८ गते बिहीवार १७:३६ बजे प्रकाशित