नवनियुक्त चार मन्त्रीले गरे शपथ ग्रहण
काठमाडौं । नवनियुक्त चार जना मन्त्रीहरूले आज राष्ट्रपति कार्यालय शीतलनिवासमा आयोजित समारोहबीच पद तथा गोपनीयताको शपथ ग्रहण गरेका छन्।
मन्त्रीमा नियुक्त हुने व्यक्तिहरूमा श्रद्धा श्रेष्ठ, माधव चौलागाईं, राजेन्द्रसिंह भण्डारी र कुमार इङ्नाम रहेका छन्। उनीहरूलाई प्रधानमन्त्रीको सिफारिसमा राष्ट्रपति रामचन्द्र पौडेलले आजै नियुक्त गरेका हुन्।
राष्ट्रपति कार्यालयका अनुसार श्रद्धा श्रेष्ठलाई महिला तथा बालबालिका मन्त्रालय, माधव चौलागाईंलाई वन मन्त्रालय, राजेन्द्रसिंह भण्डारीलाई श्रम मन्त्रालय, कुमार इङ्नामलाई भूमि मन्त्रालयको जिम्मेवारी दिइएको छ।
२०८२ मंसिर २६ गते शुक्रवार १७:२२ बजे प्रकाशित
