सरकारका प्रवक्ताको जिम्मेवारी गृहमन्त्री अर्याललाई
काठमाडौं । सरकारले गृहमन्त्री ओमप्रकाश अर्याललाई सरकारको प्रवक्ताको जिम्मेवारी दिएको छ।
बिहीबार बसेको मन्त्रिपरिषद् बैठकले अर्याललाई प्रवक्ताको जिम्मेवारी दिने निर्णय गरेको हो। प्रतिनिधिसभा चुनाव लड्नका लागि सञ्चार तथा सूचना प्रविधिमन्त्री जगदीश खरेलले राजीनामा दिएपछि प्रवक्ताको पद रिक्त थियो।
राजीनामा दिएका खरेल ललितपुर–२ बाट राष्ट्रिय स्वतन्त्र पार्टीका उम्मेदवार बनेका छन्।
२०८२ माघ ८ गते बिहीवार १६:५९ बजे प्रकाशित
