काठमाडौं । दक्षिणकाली नगरपालिका–९ रानीमडाँडामा भिरबाट कार खस्दा एक जनाको मृत्यु भएको छ।

हेटौंडाबाट काठमाडौंतर्फ आउँदै गरेको बा।प्र। ५२८१ नम्बरको कार दुर्घटनामा परेको हो। दुर्घटना रानीमडाँडा अन्तर्गत केरावारी–सितचोक नजिक भएको प्रहरीले जनाएको छ।

सडकबाट करिब ७ सय मिटर तल खसेको कारमा सवार काठमाडौं निवासी ३४ वर्षीय सुरज खड्काको घटनास्थलमै मृत्यु भएको हो।

दुर्घटनाग्रस्त कार निकाल्ने प्रयास भइरहेको प्रहरीले जनाएको छ।

२०८२ चैत २९ गते आइतवार १७:०२ बजे प्रकाशित