काठमाडौं । रामचन्द्र पौडेलले सरकारले सिफारिस गरेका ६ वटा अध्यादेशमध्ये हालसम्म सहकारी ऐन पहिलो संशोधन अध्यादेश मात्र जारी गर्नुभएको छ।

सरकारले संवैधानिक परिषद् सम्बन्धी अध्यादेश, सहकारी ऐन संशोधन अध्यादेश, विश्वविद्यालय तथा स्वास्थ्य विज्ञान प्रतिष्ठान सम्बन्धी अध्यादेश, केही नेपाल ऐन संशोधन अध्यादेश, सार्वजनिक पदाधिकारी पदमुक्ति अध्यादेश तथा सार्वजनिक खरिद ऐन संशोधन अध्यादेश स्वीकृतिका लागि राष्ट्रपतिसमक्ष सिफारिस गरेको थियो।

तीमध्ये सहकारी ऐन पहिलो संशोधन अध्यादेश मात्रै जारी गरिएको हो भने बाँकी अध्यादेशहरू अझै विचाराधीन अवस्थामा रहेका छन्।

यसैबीच, राष्ट्रपतिले अध्यादेशसम्बन्धी विषयमा संविधानविद्हरूसँग परामर्श गरिरहनु भएको बताइएको छ। यस परामर्शपछि बाँकी अध्यादेशबारे थप निर्णय हुने अपेक्षा गरिएको छ।

२०८३ वैशाख १७ गते बिहीवार १७:५२ बजे प्रकाशित