काठमाडौँ । अर्थमन्त्री डा. स्वर्णिम वाग्लेले मुलुकको अर्थतन्त्र र राज्यका निकायमा रहेका बेथिति र निहित स्वार्थ समूहको प्रभावलाई तोड्न सरकार दृढताका साथ अघि बढेको बताएको छन् ।

आइतबार राजधानीमा आयोजित एक कार्यक्रममा बोल्दै अर्थमन्त्री डा। वाग्लेले विगत १५ वर्षदेखि देशका विभिन्न अङ्गहरू निहित स्वार्थ समूहको कब्जामा रहेको दाबी गर्दै वर्तमान सरकार त्यसको अन्त्य गर्ने अभियानमा जुटेको बताए । उनले विगतमा राजनीतिक नेतृत्वदेखि राज्यका कतिपय निकायसमेत त्यस्ता समूहको प्रभावमा परेको तथ्यहरू उजागर भइरहेको उल्लेख गरे।

नेपालको इतिहासकै सबैभन्दा ठुलो वित्तीय घोटालाको फाइल अहिले न्यायिक प्रक्रियामा रहेको जानकारी दिँदै अर्थमन्त्री डा। वाग्लेले भने, “एक खर्ब रुपियाँभन्दा बढी बिगो मागदाबीसहित मुद्दा प्रक्रियामा छ । विगतमा देशका जिम्मेवार व्यक्ति र निकायहरू कसरी प्रभावित भएका थिए भन्ने कुरा यसले प्रष्ट पार्छ । हामीले अहिले अर्थतन्त्र र प्रशासनमा देखिएका तमाम गडबडी सफा गर्ने अभियान ९क्लिन अप दी मेस० सुरु गरेका छौँ ।”

अर्थमन्त्री डा। वाग्लेले स्वदेशमा केही हुँदैन भन्ने नकारात्मक भाष्य चिरेर युवाहरूलाई देशभित्रै अवसर दिलाउन सरकारले काम गरिरहेको बताए। युवाहरूलाई विदेशिनु नपर्ने वातावरण निर्माण गर्न नीतिगत सुधारका लागि सरकार सधैँ तयार रहेको उनको भनाइ थियो । मुलुकमा सुशासन र आर्थिक समृद्धिको जग बसाउन पाँच वर्षको स्पष्ट कार्ययोजना ९रोडम्याप०सहित सरकार अघि बढिरहेको उनले दाबी गरे।

२०८३ जेठ ३१ गते आइतवार १७:३८ बजे प्रकाशित