काठमाडौं । गृहमन्त्री ओमप्रकाश अर्यालले सम्भावित प्रदर्शनतर्फ इङ्गित गर्दै मुलुकको वर्तमान परिस्थितिलाई विचार गरेर जिम्मेवार ढंगले प्रस्तुत हुन सबै पक्षलाई आग्रह गरेका छन्।

शनिबार प्रधानमन्त्री निवास बालुवाटारमा बसेको उच्चस्तरीय बैठकपछि गृहमन्त्री अर्यालले विभिन्न समूहहरूले प्रदर्शनका लागि तयारी गरिरहेको जानकारी आफूले पाएको उल्लेख गर्दै, सुरक्षा अवस्थाबारे बैठकमा सूक्ष्म विश्लेषण गरिएको बताए।

उनले भने, “सुरक्षा अवस्थाबारे हामीले सूक्ष्म विश्लेषण गरेका छौं। विभिन्न समूहले प्रदर्शनका लागि तयारी गरिरहेको कुरा आएको छ। आफ्ना राजनीतिक मागहरू जिम्मेवार ढंगले राख्न सबै स्वतन्त्र छन्। राजनीतिक मुद्दाको समाधानका लागि हामीले संवादको ढोका खुला राखेका छौं। सम्बद्ध पक्षहरूसँग वार्ता गरेर संवादमै समाधान खोज्ने हाम्रो प्रयास हुनेछ,” गृहमन्त्रीले भने।

२०८२ कात्तिक ८ गते शनिवार १७:४४ बजे प्रकाशित