काठमाडौँ । राष्ट्रिय प्रजातन्त्र पार्टी (राप्रपा)ले समानुपातिकतर्फबाट प्रतिनिधिसभा सदस्य बन्ने चार जनाको नाम टुंगो लगाएको छ।

आइतबार पार्टीको केन्द्रीय कार्यसम्पादन समितिको बैठक काठमाडौँको धुम्बाराहीस्थित केन्द्रीय कार्यालयमा बसेर उक्त निर्णय गरेको हो।

पार्टी प्रवक्ता मोहन श्रेष्ठका अनुसार समानुपातिक बन्दसूचीमा रहेका चार जनालाई प्रतिनिधिसभा सदस्य पदका लागि निर्वाचन आयोगमा सिफारिस गर्ने निर्णय गरिएको छ।

को–को परे ?

भरत गिरी – खस आर्य(पुरुष), महोत्तरी

ताहिर अली – मुस्लिम (पुरुष), रुपन्देही

खुस्बु ओली – खस आर्य (महिला), झापा

सरस्वती लामा – जनजाति (महिला), धादिङ

बैठकले उनीहरूलाई प्रतिनिधिसभा सदस्य पदका लागि समानुपातिक बन्दसूचीबाट सिफारिस गर्ने निर्णय गरेको हो।

२०८२ चैत १ गते आइतवार १७:०७ बजे प्रकाशित