काठमाडौं । नयाँ बनेको सरकारको पहिलो मन्त्रिपरिषद् बैठकका निर्णय सार्वजनिक गरिएको छ। सरकारका प्रवक्ता तथा शिक्षा, विज्ञान तथा प्रविधि मन्त्री सस्मित पोखरेलले बैठकबाट चार महत्त्वपूर्ण निर्णय गरिएको जानकारी दिएका छन्।

आजै प्रधानमन्त्री नियुक्त भएका बालेन्द्र शाह (बालेन)ले पहिलो मन्त्रिपरिषद् बैठक बोलाएका थिए। उक्त बैठकले जेनजी आन्दोलनसँग सम्बन्धित जाँचबुझ आयोगको प्रतिवेदन कार्यान्वयन गर्नेसहितका निर्णय गरेको हो।

बैठकका मुख्य निर्णयहरू:

– भदौ २३ र २४ मा भएको जेनजी आन्दोलन तथा यसअघि भएका विभिन्न आन्दोलनका ज्ञात–अज्ञात शहीदहरूप्रति सम्मान तथा श्रद्धाञ्जली व्यक्त गर्ने।

– नेपाल सरकारको प्रवक्तामा शिक्षा, विज्ञान तथा प्रविधि मन्त्रीलाई तोक्ने।

– सरकारको शासकीय सुधारका १०० कार्यसूची स्वीकृत गर्ने ९भोलिसम्म सार्वजनिक गर्ने०।

– भदौ २३ र २४ गतेको प्रदर्शनका घटनाबारे गौरीबहादुर कार्कीको अध्यक्षतामा गठित जाँचबुझ आयोगले पेश गरेको प्रतिवेदन कार्यान्वयन गर्ने, जसअनुसारस्

सुरक्षा संयन्त्रसँग सम्बन्धित सिफारिसका लागि अध्ययन समिति गठन गरी सो समितिको सिफारिसअनुसार कार्यान्वयन गर्ने।
अन्य सिफारिसहरू तत्काल कार्यान्वयन गर्ने।

सरकारले पहिलो बैठकबाटै सुशासन, सुधार र उत्तरदायित्वलाई प्राथमिकतामा राखेको संकेत गरेको छ।

२०८२ चैत १३ गते शुक्रवार १७:३४ बजे प्रकाशित