सिंहदरबारभित्र जलेका भवन बनाउने जिम्मा हामीलाई दिनुहोस्: हर्क साम्पाङ
काठमाडौँ । श्रम संस्कृति पार्टीका अध्यक्ष हर्क साम्पाङले जेनजी आन्दोलनका क्रममा सिंहदरबार परिसरभित्र जलेका भवनहरूको पुनर्निर्माण आफूलाई जिम्मा दिन माग गरेका छन्।
सोमबार प्रतिनिधि सभा बैठकमा बोल्दै उनले यदि उक्त जिम्मेवारी दिइएमा श्रमदानमार्फत नै ती भवनहरू पुनर्निर्माण गरिदिने बताएका हुन्।
यसैबीच, प्रि–बजेट छलफलमा सहभागी भएका साम्पाङले आफ्नो निर्वाचन क्षेत्रसहित अन्य क्षेत्रका विकास निर्माणका लागि पनि बजेट वृद्धि गर्न सरकारसँग माग गरेका छन्।
२०८३ जेठ ४ गते सोमवार १७:५२ बजे प्रकाशित
