प्रधानन्यायाधीशमा मनोज शर्माको नाम सर्वसम्मत अनुमोदन
काठमाडौं । संसदीय सुनुवाइ समितिले सर्वोच्च अदालतका प्रस्तावित प्रधानन्यायाधीश डा. मनोज शर्माको नाम सर्वसम्मत रूपमा अनुमोदन गरेको छ।
मंगलबार बसेको समितिको बैठकले सुनुवाइ प्रक्रिया सम्पन्न गरेपछि शर्माको नाम अनुमोदन गर्ने निर्णय गरेको हो। समितिले सोही दिन उनीमाथि संसदीय सुनुवाइ पनि गरेको थियो।
अब संसदीय सुनुवाइ समितिबाट अनुमोदन भएपछि संसद् सचिवालयले राष्ट्रपति कार्यालयलाई जानकारी पठाउनेछ। त्यसपछि राष्ट्रपति कार्यालयबाट शर्माको औपचारिक नियुक्ति प्रक्रिया अघि बढ्नेछ।
संवैधानिक परिषद्ले न्याय परिषद्बाट सिफारिस भएका ६ जनामध्ये हाल सर्वोच्च अदालतमा चौथो वरीयतामा रहेका न्यायाधीश शर्मालाई प्रधानन्यायाधीशमा सिफारिस गरेको थियो।
२०८३ जेठ ५ गते मंगलवार १८:०१ बजे प्रकाशित
